Fisaorana

Nahafinaritra dia nahafinaritra tokoa ny nahita ireo ankizy sy tanora nandray anjara tamin'ny fotoam-pivavahana omaly alahady 25 Aprily 2004. Marihina etoana fa fiaraha-mivavaka nokarakarain'ny ankizy sy ny tanora araka ny efa voalaza, ary finaritra tokoa ireo lehibe nahita ny fahavitrian'ireto ho avy ny malagasy aty Canada. Noho izany dia misaotra azy ireo isika fiangonana amin'ny zava-bitany sy ny mbola ho ataony amin'ny fampandrosoana ny asan'Andriamanitra. Isaorana manokana:

- Ny mpandrindra : Josoa Randrianaly
- Ny nitarika fotoana : Rivo Raveloson
- Ny nitondra ny Tenin'Andriamanitra : Lova Ramboarisata
- Mpitendry orga : Tiana Rabezandriny
- Ireo namaky Teny : Juste sy Salohy
- Ireo ankizy kely nanafàna ny fotoam-pivavahana tamin'ny alalan'ny hira
- Nikarakara ny fandraisana : Stéphanie Ralijaona

Dia misaotra azy ireo, ary manantena ireo ankizy sy tanora hafa mba hanatevin-daharana azy ireo amin'ny manaraka

04-05 Setptambra 2004 - Fihaonambe faharoa

Nisy fivoriambe izay nokarakaraina tany New-York ny 11-12 Oktobra 2003 lasa teo. Ny anton'izany fihaonambe izany dia ny mba hifandraisan'ny mpianakavin'ny finoana kristianina malagasy bebe kokoa aty Amerika Avaratra. Nahafinaritra dia nahafinaritra tokoa izany ambohi-pihaonan'ny malagasy kristianina izany. Nanana hetaheta ny rehetra izay nanatrika io fihaonambe io, koa nanapa-kevitra ny hitoizan'izany mandrakariva satria zava-dehibe tokoa amin-tsika malagasy izany firaisana ao amin'ny Tompo eo amin'ny samy malagasy izany. Ny malagasy aty Canada no nosafidiana mba hampiantrano ny fihaonambe faharoa izay ho atao ny 04-05 Septambra 2004...

Paska 2004 - Fanampiana an'i Madagascar

Toy ny fanaon-tsika isan-taona dia ny Fiangonana Katolika Malagasy eto Canada no mikarakara ny fotoam-pivavahan'ny Paska izay marihina etoana fa manana endrika firaisam-pinoana tanteraka. Koa Ny fiangonana malagasy eto Canada, katolika sy protestanta, dia faly manasa antsika malagasy tsy an-kanavaka hiara-mankalaza ny fetin'ny Paska, izay andro lehibe tokoa ho antsika kristianina, ny Alahady 11 Aprily 2004 amin'ny 11 ora marina ao amin'ny fiangonana St-Jean de Matha, 6831, rue Aragon, Métro MONK...

Angamba samy mahafantatra ny voina nahazo an'i Madagascar daholo isika malagasy tsirairay avy monina aty Canada. Tsy mety ny hijery fotsiny izany loza nahazo ny firenena izany. Koa natokana ihany koa ny fankalazana ny fetin'ny Paska mba hanaovana hetsika ho fandraisana anjara amin'izany voina nahazo ny tanindrazana izany, ary koa indrindra indrindra natokana hitrotrona amim-bavaka ny firenena...