Sit lasa,bout a-y sé fè zôt savka ki Gwadloup.Lèspri a zôt kay alévini adan tout sé paj-la,é konsa,zôt ké aprann konnèt,ou ben zôt ké konnèt plibyen mès-é-labitid a lilèt an mwen.Ti bèt la agôch la,yo ka kriyé-y Racoon,sé-y ka rèprésanté Lagwadloup.adwèt,sé Lasoufriyè,sé koté an Gwadloup ki piho (1467 mèt).Mé an ni lidé an ti bwen two présé.Ki fè,an kay di zôt kimoun an yé:

Tinon an mwen sé Gael,sé mwen ké sèvi zôt gid é "webmaster".An tini 25 lanné ansé on gwadloupéyen,chouk an mwen sé vil "Bordeaux" karayib pa koté manman mwen.Pa koté papan mwen,choukan mwen sé,afriken ,é fransé.Kifè,an sé on modèl a ras mélanjé an Gwadloup.

Lagwadloup,sé onlo ti lilèt ka fè 1790 Km2, é tini 421.632 moun ka viv anlè yo.Sé on péyi a la Karayib i pa asi anho a Dominik é pa asi anba a Antigwa.Tini 7 lilèt ka bay Lagwadloup:Labastè é la Granntè ( dé pli gran lillèt la),ansanm yo ka sanm on papiyon é on môso lanmè: Rivyè Salé,ka koupé yo.Tini osi Marigalant,Lésent,Dézirad pa asi an ba.Sen-Mawten, Sen-Bawtèlmi pa anho.Lagwadloup sé on dépawtèman Lafrans tini pa asi lôtbô.Bastè sé cheflyé a-y;i ni dé soupwéfekti:Lapwent èvè Sen-Mawten..

Si ou vlé plis nyouz vwè " guadeloupe touristique "padawa sit an mwen lasa ka palé plis asi sé sijé la an ja ba zôt la.