Faha 35 taona niorenan'ny Chorale Ambohitantely

"Ary ao ambanin'ny aloky ny elatrao no hiobiako"
Sal 63 : 7b

Nosokafana ny faha 30/04/2000 ny fankalazana ny faha 35 taona nijoroan'ny Chorale Ambohitantely. Ny teny faneva nentina nankalazana izany dia nalaina tao amin'ny tononkiran'ny Salamo toko 63 andininy 7.

Ny alahadin'ny Chorale izay misy isan-taona moa no nentina nanokafana izany ka tori-teny an-kira no natao nandritra ny fotoam-pivavahana.

Nahitana karazan-kira maro izay nahafantarana ny Chorale hatramin'izay 35 nihoroany izay ka anisan'izany, ary nasongadina mihintsy ny hira faneva : "Raha mierina".

Raha mierin'izany fotoana Miavaka sady tsaroana Ny faha 35 taona Nihirana ary koa nijoroana Mitamberina mby ao an-tsaina Fa nifofotra nikely aina Miarihary fa ny Tompo no nanome Talenta mba ho enti-mijery Ireo asa-pitiavana izay marobe Mbola Izy no nanafy hery Hanefana ireo asa sy adidy Koa tsy rariny ve raha tadidy

Ka isaory Isaory fa tsara indrindra 'Lay toky iray tsy midindra Dia Jehovah, 'Lay Tompon'ny Tompo Mpanjaka lehibe Haleloia ! Venteso ny dera sy laza Ankaro Ankaro ny feo hankalaza Atolory Atolory ny haja sy ny voninahitra mandrakizay Raoelison Willy

Ny fankalazana moa dia mbola nitohy ihany ka maro ny hetsika tontosa tamin'izany nentina nanamarika izany. Tao ny nanaovana ny konseritra goavana ho an'ny firenena ny faha-25 volana jona 2000, narahina ny fitetezana faritra, tao koa ny fankalazana ny alin'ny 24 desambra 2000 izay krismasy ho fahatsiarovana ny faha-2000 taonan'ny nahaterahan'i Kristy, sy krismasy farany tamin'ny arivo-taona faharoa, izay nampitondraina ny hoe "Noely Aterin'Eto". Tao koa ny fanakalozana mofo-mamy ho vola.

Marihana fa namatsiana ara-bola izay asa natao dia ny nanatontosana ny fiaraha-misakafo narahina korana tany Behenjy Itaosy ny alin'ny 31 marsa 2000. An-tapitrisany maro tokoa no vola voaangona tamin'izany.

Retour à la page accueil
fodiana