| Accueil |
MANIFESTU PER A NAZIONE CORSA
(scrittu di sittembre 1730 pè chjamà a à cunsulta di u 22 dicembre 1730)
A tutti i veri naziunalisti, salutu è felicità
Una ghjusta causa vi hà fattu piglià
a risoluzione di ùn più sottumettevi à u duminiu
di Genuva. Vi sete rivultati contru a tiranìa, contru sti ministracci
chì facenu ciò chì li pare è li piace.
Ne simu sicuri, u celu ci aiuterà.
U tempu di a schiavitù hè compiu.Ogni corsu deve luttà per ottene a Pace è a libertà chì ùn saranu pussibile tantu chè no'ùn saremu maestri di u nostru destinu.
Sìamu uniti è decisi. Allora buttaremu l'oppressore fora è pudaremu guvernacci da par noi.
A pace ristabilita, ci sarà benestà per tuttu u nostru populu.Pruffitaremu di e nostre ricchezze è pagaremu menu impositi postu chì ùn avaremu più à intrattene tutti quelli manghjoni genuvesi.
Cari cumpatriotti,l'ora hè venuta d'aiutacci à stirpà u nemicu. a nostra causa hè vostra. Tutti uniti, vindicaremu i scherzi è i malanni fatti à i nostri antichi da l'assassini è i traditori di Genuva.L'esempiu di l'altri populi chì si sò libarati ci porta à l'arme. Diu ci difenderà cum'ellu hà sempre difesu i ghjusti.
Chì ogni paese mandi un diputatu à San Pancraziu di Biguglia, in tal'modu chì a nostra prima cunsulta sìa u principiu d'un epuca nova. Devemu truvà senza altru i mezi di fà saltà e catene chì ci anu fattu male. Bisogna chì a lotta riunischi tutti i patriotti è tutti l'omi di sangue corsu.Campate felici.
I capi d'a Nazione Corsa
.