Goude diskar gwall vantrus an Emsav broadelour dirak argadoù Breizh taolet eus an diavaez, eus an "diabarzh" siwazh ivez avat, setu erfin EBB, ur stur a-benn digammañ hor broad !
Erfin un Emsav a vlegn ur stourm BREZHON, ha neket "breizhat" hepken, da lavarout eo ha ne zifenn ket un tasmant gallekaet a-grenn, a zifenn ur vroad he merkoù dibar ganti c'hoazh, hag he yezh a-raok pep tra, ne lavaromp ket !
Ur stourm war roudoù difraosterien gwall zinac'het hiziv an deiz avat! Dihunerien kement war dachenn an adc'hanidigezh yezhel ha war hini hon emouezadur broadel ha politikel.
Hon ahel-stourm: ar vroadelouriezh kaset da benn war bep elfenn hor buhez kevredigezhel: difenn hor riegezh vroadel hag hor frammoù rannvroel diabarzh; kadarnaat an darempredoù etrekeltiek; adsevel un armerzh broadel o respont d'hon ezhommoù-ni; gwareziñ merkoù dibar hon endro (garzhaoueg...) diouzh an argadoù a c'houzañvont; difenn diouzh ar vrizhkeltiegouriezh ur sevenadur brezhon feal d'e ziazezoù hengounel en ur chom digor ouzh hon amzer-ni.
