DE FROSCH WU SO DICK

WELL WERRE WIE DE OCHS

von Raymond COLLING 

 imprimerie Neiter Lemberg

lm Krotteloch herrscht feschtiiches Getrubel,

Die Fresche kuakse heftich mit Frèèd un Gejubel.

Eèner awer sitzt truurich aan ère Wied ganz elèèn :

 Er fînd die aannere so tierich un arich gemèèn.

« Was sin ich? Was kinnt ich noch werre ?

Ich sin doch viel meh wert fa mit denne se zerre !

Doat iwe in de Wies grast e Ochs vor sich hin,

Das isch e Vorbild, so wodd ich sin. »

Gesat, gemach. Er fangt an se pumpe,

De Buch wead aïs dicker, er loßt sich nit lumpe,

Er schwellt sinni Bruscht, er schnuuft nimmeh us,

Bienaa schun so groß wie im Ochs sinner Fus.

Es laangt noch nit, er muß noch meh,

Er bißt uf die Ziehn, er spiert nit sin Weh.

Er triebt sich noch dicker, erpfuust sinne Backe,

Das kaann doch nit woa sin, ich muß es doch packe.

Die Hut isch gestremmt, sie hait 's nimmeh us

Sie muß sich noch dehne uf Deywel kummerus!

E fuaichtbares Krache spieit s'End vun dem Lied,

De Frosch isch geplatzt un hàngt in de Wied.

Ob groß, ob klèèn, ob Bur, ob Parisser,

Foatz nie heecher...wie din Schisser.