En francés, picatz ací |
||
Pireneas e d'en lòc mes de partit pres |
 |
|
| Lo RENAT MARTINEZ qu'ei vadut dihens las Hautas Pyreneas. |
Que li an tostemps agradat las legendas, los contes, las istoèras de tots los temps. Particularament quan, los contaires transforman los lors soviers au grat de la lor fantasia e tau plaser deu lor auditori. Çò qui se raconta dihens las Pireneas, d'un estrem de la cadena dinc'a l'aute, qu'a constituat las suas prumèras descobèrtas.
Desempuish longtemps adara, en estagis o dihens publicacions, qu'a ensajat d'ajudar e de favorisar l'expression escrita e orale deus dròlles, deus adolescents et deus adultes. Que continua d'animar estagis entà ajudar tots los qui vòlen "racontar" e "inventar" istoèras.
Aqueth ròtle clau formator que l'a tot naturalament miat a contar et a escriver eth-medish, entau plaser de jogar dambe los mots, entà que devenguen istoèras, e que s' encontren coma las flors d'un flòc.
Se quauquas uas son dihens publicacions entà la joenèssa e dihens revistas, que li agrada tanben au Renat Martinez de racontar las suas istoèras, dambe mots de cada jorns, mots de cap e mots deu còr. Entau plaser de hèr aimar las istoèras e los contes.
"La caracteristica de l'istoèra e deu conte qu'ei d'anar cercar e bolegar, en çò deus qui escotan, quaucom qui somelha en eths.
Entà balhar de véser, de tastar, de comprénguer, desvelhar ua emocion, ua seguida d'imatges. Lo mòde de susvita deu conte, qu'ei lo son empèc, en fonccion deu moment, deu lòc, de l'epòca, de las costumas.
Tota narracion qu'ei ua marca originala hèita sus lo present.
Que depend au còp d'ua tradicion e d'ua actualizacion.
Coma l'an tostemps hèit los contaires."
"L'istoèra qu'a de deishar ua "plaça" entà que l'imaginacion deus qui escotan posque s'i daubrir un passatge, s'i eslissar, s'i entrehilar…
La musica que pòt ajudar aquera incursion, en tot perlongar los mots, l'imatge o l'émocion…entà que cadun, dambe çò qu'ei, entre dihens l'istoèra e s'i cole coma se "l'enten"."
| SUS LAS MARCAS DE L'ORS |
Dihens las Pireneas, l'òme de las tutas qu'en a caçat l'ors entà s'i installar.
Desempuish tostemps, los òmes qu'an esprovat entà aquèra bèstia, sentiments deus complicats, hargats de páurs, d'admiracion, de crudèutat, d'amor e de jalosias.
L'ors, qu'aperam "Lo Monsur", qu'a tostemps esmiraglat en tot deishar suu sòu marcas, a quauquas punturas près, coma las de l'òme, en tot se ténguer sus los sons pès regde avans eth, en tot devisar dambe los sons petits, en tot sòrter deu son sommelh ivèrnau en medish temps que lo printemps...
Las legendas se lo disputan : a còps que i a aujòu de l'òme, a còps que i a òme condamnat a la vita sauvatja, o creatura deu diable...
Se cau pas estonar si, dihens la sua soletat, dambe la sua fòrça massiva, dambe la sua superioritat, sense rivau sus lo son territòri, lo comparan a la "Montanha". Tot simplament...
Legendas, contes, istoèras vertadièras, que pòblan enqüèra las nuèits de blanca broma sense lua, las "nuèits de l'ors"...
CONTES E MUSICA |
Fotò : P. Vignaux
que li agrada tanben au Renat Martinez de racontar las suas istoèras, dambe mots de cada jorns, mots de cap e mots deu còr. Entau plaser de hèr aimar las istoèras e los contes. Contaire "tot-terrenh", qu'a collaborat, entre autes, sus espectacles dambe lo Bernart LUBAT.
Lo Joan-Miquèu e lo Felip ESPINASSE que tribalhan musicalament hòra deus "chantiers battus" desempuish banlèu 20 ans, en tot jogar dihens mantuns grops o en duò. Qu'exploran los sendèrs deu conte dambe lo Renat MARTINEZ, sedusits per la complementaritat de las istoèras e de la musica.
Los tres arganhòls que prepausan de vos passejar sus los camins de legendas e magics de las Pireneas. Dihens aqueth viatge ritmat peu bohat de las bohas, que torneràtz pujar dinc'a la vaduda de la cadena.
Après ua entrevista dambe quauques personatges qui demorèran o traversèran aqueras montanhas, ua pausa sus los bòrds d'un deus numerós lacs deus noms evocators serà planvenguda. Qu'auràtz alavetz benlèu lo privilègi d'encontrar un deus èstes mitics qui viu aquiu.
A mensh qu'un ors qui se passèja vengue dambe vosauts, ua nuèit de blanca broma sense lua...Ua d'aquèras nuèits on lo bohat de la bèstia e sembla animar los instruments.
Legendas deu sorelh, de la lua, de las estelas...
Dambe mots de cada jorns, d'autes còps e d'adara, mots corrents e galopents, mot-clau deus sonjes, mots de còr, mots de cap,...tau plaser de contar menterias, diablerias, encanterias, dròllerias... e sauneis.
Contes de las montanhas, de las seuvas, de las honts...
Istoèras d'òmis, de hemnas, de dròlles...
Un viatge dihens las mitologias,
Ua passejada entà escotar pèiras e vent,Ua "flânerie" dihens los sovenirs.
Dambe mots de cada jorns, d'autes còps e d'adara, mots corrents e galopents, mot-clau deus sonjes, mots de còr, mots de cap,...tau plaser de contar menterias, diablerias, encanterias, dròllerias... e sauneis.
Istoèras d'adara, mes tanben istoèras de tostemps, d'ací e d'en lòc mes...
istoèras doças coma ua bailina, maliciosas coma un suber-saut o grèus coma un accent...
Istoèras, escriutas peu contaire, que se jògan, arrisen, sospiran...
Istoèras que se van a l'encontre deus mots, dihens la gama deus gris e deus ròses...
En aqueth espectacle que se pòden ajustar musicas de còps composadas, de còps improvisadas, jogadas dambe la contrabaisha peu Christophe Béreau, professor au Conservatòri de Dijon.
istoèras doças coma ua bailina, maliciosas coma un suber-saut o grèus coma un accent...
Istoèras, escriutas peu contaire, que se jògan, arrisen, sospiran...
Istoèras que se van a l'encontre deus mots, dihens la gama deus gris e deus ròses...
En aqueth espectacle que se pòden ajustar musicas de còps composadas, de còps improvisadas, jogadas dambe la contrabaisha peu Christophe Béreau, professor au Conservatòri de Dijon.
Hestenau d'Hasparren (de 1991 dinca 1994) dambe lo Christophe Béreau
Hestenau de Bordèu
Hestenau de Genèva
Hestenau Chanterelle (parçan tolosenc) dambe lo Christophe Béreau
Hestenau Xiru (Sola)
Hestenau de Pernes-les-Fontaines (Nuèit de las legendas)
Hestenau de las Cevenas
Hestenau de la Dròma Provençala
Hestenau de Beaumont de Lomagne
Hestenau d'Uzeste (espectacles dambe lo Bernard Lubat, dambe lo Louis Sclavis, dambe lo Marc Perrone)
Hestenau las Racontades (Peiregòrd)
Téatre Molière a Bordèu (dambe lo Christophe Béreau)
Citat deu libe a Ais de Provença
Espectacles a Banhèras de Bigòrra (65), Saverdun sur Arièja, Tolosa, Mondavesan (31), Lavaur (81), Anglet (64)....
Dambe lo Duò Espinasse, espectacles a Sent-Lari, Luz Sent Sauvur dihens l'encastre deu Hestenau "Chaîne de contes", Sailhan, Aush, Lavardens, Germ de Loron.
| René Martinez |
| 40,carrèra deus Cardelins F. 31 240 L'UNION +33 (0) 561 746 737 |
261, avienguda de l'Ador F. 64 600 ANGLET +33 (0) 559 637 661 |