 |
I wumi «Tamaziγt
Tura
»
?
Tamaziγt Tura
d tasγunt tamaynut s tmaziγt n Usqamu Unnig n Timmuzγa. Tikti
tusa-yaγ-d asmi d-nessufeγ kraḍ n wuṭṭunen n tesɣunt Timmuzγa
s tmaziγt. Nwala amek tt-id-ssuturen yimeγriyen d umkan teṭṭef yakan di
rreḥba n wayen d yetteffγen s tmaziγt. Nenna-yas tamaziγt tuklal ad
tesεu tasγunt i yiman-is. I wakken kan ur nesseγlaḍ ara imeγriyen, ilaq
ad ẓren belli tasɣunt Timmuzγa yettwarun s tmaziγt d
tefransist d taεrabt ad tkemmel amecwar-ines. Tamaziγt Tura
d iswi i nella nessaram ad t-naweḍ acḥal aya, acku Asqamu Unnig n
Timmuzγa d lwağeb fell-as ad yeqdec s tmaziγt i tmaziγt ! Akka i d-yewwi
ad ddun lecγal.
Ihi hattan gar yifassen-nwen. D tasγunt-nwen. Nebγa-tt ad tili d annar i
tira s tmaziγt i tmaziγt, d annar n usqerdec d tussna s tagi-nneγ, d
annar anda yal amedyaz, yal amyaru, yal amusnaw di tmaziγt, ama d
tutlayt neγ d tasekla neγ d idles, ad yaf amkan-is.
Akka ihi, hattan γur-wen. Arut-aγ-d, acku tamaziγt, imira, teḥwağ kan ad
tt-naru ad tt-nγer !
Agraw n tira |
|