Sed amañ pozioù 'Gwerz ur paour-kaezh lonker anvet Miloù' hag 'Ar Gorriganed (distro ar paour-kaezh lonker a vez graet Miloù anezhañ)' bet savet o-daou gant Vivien Janneau e 1999. Hag ur ganaouenn all ouzhpenn bet savet gantañ 'tro ar memes mare ha titlet 'Dalc'homp mat!!'

GWERZ UR PAOUR-KAEZH LONKER ANVET MILOù

Se 'oa gwall-diwezhat en noz
Pa 'm boa klevet trouz
Kredet 'm boa sortial war an treuzoù
En diavaez an oabl 'oa leun a c'houloù

Petra 'oa o c'hoarvezout amañ?
'Pezh a welis 'oa souezhus-kenañ
Un ugent bennak a voulomigoù glas livet
O tiskenn deus ur plad-nij bras-meurbet

Pedet 'n doa-int 'hanon da vont e-barzh
War o muzelloù 'tivinen ur mousc'hoarzh
Pa seblantent-i bezañ jentil-tout
Kerzhet 'm eus etrezek gouleier ar soukoup

Arru 'barzh ne welen ket ken
'Vel Tintin eo bet skoet ma fenn
Pa'z on dihunet 'ba' ur park bras
Kredit pe get, me 'oa en noazh

Gant tud deus Gwener ez on bet fouzhet ha n'eus netra koulz en hollved

AR GORRIGANED (DISTRO AR PAOUR-KAEZH LONKER A VEZ GRAET MILOù ANEZHAñ)

Da c'houloù-deiz
Miloù, poan en e revr, 'oa 'tont en-dro d'ar gêr
Oc'h 'ont gant e hent
E kavas ur skipailh a gorriganed

Ar gorriganed
'Oa o pediñ anezhañ da vont war o heul
En ur ganañ
Hag en ur zañsal en ur c'helc'h 'tro dezhañ

Miloù, deus ganeomp
Da zañsal en noazh 'ba' ar c'hoadoù
Dañsal ganeoc'h
Ne rin ket! Lutuned ludig brein
Met n'en deus ket bet choaz

Hag o tañsal
Gant e vignoned nevez, laouen en o zouez
Miloù 'sante ar garantez 'h 'ont e-barzh dre e holl doulloù

Ha pa savas al loar en he c'hann a-us d'ar c'hoad
Miloù 'guitaas
E vignoned ar gorriganed
Rejouiset e galon

DALC'HOMP MAT!!

Kanomp kamaladed, kenvroiz, tud karet
Pa'z omp holl ken fouget da vezañ Bretoned
Tud deus bro ar c'hrampouezh, ar sistr hag ar festoù-noz
Traoù ken 'exotique' hag ar c'houskous
Hon rannvro leun a dud laouen -daoust ma ra glav bepred-
Eo 'n 'ni a blij ar muiañ d'ar c'hallaoued

Kanomp ni holl a-gevret da zegemer an douristed
Espres 'vito 'z omp gwisket 'giz er c'hantved tremenet
Hag e-keit ha ma paeint evit traoù mod-kozh
E c'hellint disprizout ar binioù-kozh
Hon sevenadur, hon yezh -chomomp mut 'pad an hañvezh
An arc'hant gall 'ren 'hed ar bloavezh a-bezh-

Kanomp breudeur sklaved en gloar hon bro wasket
Dañsomp 'n hon botoù basket araok ma vo poent kousket
Pa'z eo ret bout efedus, labourat start ha fonnus
'Vit ar c'hallaoued ken mat ha ken brokus
Pa vo leun o chakodoù ez aloubint hon zraezhennoù
D'hon reiñ en-dro arc'hant hon zailhoù

Kit en darempred gant Vivien Janneau: vivienj@iquebec.com